كرهتچ حيل ياالغربه
كرهتچ يلا عوفيني
أريد أرجع أنا لأهلي
تعبت هواي صدگيني
كرهتچ حيل يالغربه
دروحي بعيد عن دربي
أكلتيني
وشربتيني
وبچه حتى الصخر لبچاي
شنو أنتي ما تمليني ...؟؟
مشتاگه آنه يا يما
أموت عليچ تدريني
وينچ أنتي يايما ؟
چنتي أنتي التداريني
ومن أبرد تغطيني
يا يما سمعت صوتچ
تونين وتصيحيني
أمسحي دموعچ أترجاچ
تره دموعچ تچويني
ادري فراكي صعب اعليچ
بس حزنچ يأذيني
أمووووت بشوفتچ يما
ولو أسمع أنا صوتچ
من جروحي يداويني
يجي يوم وأرد للبيت..؟؟
وأشوفن أهلي وأصحابي ..؟؟
وأشوفچ أنتي يايما ..؟؟
وأبوسچ يابعد بيتي ..؟؟
ولو يوم أحلم بيچ يما أضل طول العمر ماگوم
بس شوفتچ تكفيني
راح أرجع أكحل عيني بشوفتچ
يما
ومن جفوفچ تحنيني
