الى من في ديار الغربه

[ندعوك للتسجيل في المنتدى أو التعريف بنفسك لمعاينة هذا الرابط]

بالغربة الحزن أكثر ..

وبالغربة الجرح أكبر .

وبالغربه الدموع تصير ..
نار وتاكل المَحجر .

وبالغربه السنين اتضيع ..
منك والعمر يـگصر .

تنام وتصحه لن الشيب ..
غفله اعله الزلف سيّر .

وبالغربه الغروب يبوگ روحك ..
والـگلب بحبال من تمشي الشمس ..
من الصدر ينجر .

وحشه وكلها صفره اتصير ..
وجهك والشمس ألوانهن تصفَر .

وياحسراتك البلروح ..
كل حسرة بضلع من تجزي يتكسّر .

وكل دمعه التطيح بـگـاع..
خدك تحرگ الاخضر .

يلمتعود اعله الطيب ..
وتحب الوطن والناس ..
وبتراب الشوارع چنت تتبخر .

حـگك من تحن وتنوح مثل النوگ ..
لو حنت لهلهه وهامت اعله البر .

وبعد اكثر ... وبعد اكثر ..
بالغربة شتريد اتـگول ..
عايز حـچيك وگصّر .

بس الاكثر وأكبر ..
ولامثله جرح ينطر .

ولا بالوصف يتوصف ..
ولا بالصور يتصور .

ولا مثله حزن اكثر ..
ولا مثله جرح اكبر.

بنادم من يموت ابليل ..
غربه ولا اخو اليحضر

ولا ايد التنـگط الماي..

بشفافه وعليه تسهر

ولا اخته العزيزه اتنوح..
يمه ولادمع حدر .

ولا واحد من احبابه يشـگ زيجه..
وعليه بالباب يتخصّر

ولا صاحب سمع بيه واجه من ابعيد..
تالي الليل يتعثّر

ولا جيران فزعوا چن اخوهم مات
وبشوفتهم اهل الحزن تتصبر .

غربه والغريب ايحير بالجناز..
ياهو ايشيل نعشه وبالسلف يفتر.

وياهو برهدنه ايحطه اعله حضن الـگـاع ..
وياهو باذنه سمه وأذن وكبر .

وحشه [ندعوك للتسجيل في المنتدى أو التعريف بنفسك لمعاينة هذا الرابط]والأوحش تموت بـگـاع ..
مالك طير بيها .. ولا الك معشر .

وحدك نايم بلحدك ولا خطار ..
دگ باب الـگبر وبوحشتك سير .

ذاك انت الغريب ارسومك امبينات ..
من بين الـگبور وگبرك امحير

لأن مو كاعك وما ألك بيها تراب
متداين متر وبزاوية مدثر .

وبس الريح تصفر يمك وأوراق ..
من ذاك الخريف الراح تتبعثر .

يا أكبر خطيه ومن صدگ مسكين ..
يلمالك وطن وبعيد عن اهلك ..
تعيش تموت تتحسر..
تعيش
تموت

» علمتني الغربه
» ماذا تقول في الغربه
» محاوره بين اب وابنه عن الغربه
» انواع الغربه واقسى حالاتها