اصيرن جفن لاحبابي وظل عين
واظل بالشده واكفلك وظل عين
ست اعظام اكسرلك وظلعين
سويهن جسر واتمر عليه
************
عليمن يا جدم سيرت و اخطيت
شكثر مني حملة ذنوب واخطيت
عمت عيني رميت خشف واخطيت
غشيم وردت الجيله عليه
***********
سکاره احنه بهواکم ماصحينه
مطرنه ادموع الکم ماصحينه
شکثر يوجع جرحکم ماصحينه
نحبکم واليحب يحمل اذيه
********
رحتو بعيد وحنه الكم شعرنة
مشيتو ولا بعدينفع شعرنة
اجذب لو كلت ابيض شعرنة
شعرنة الطاح من رحتو من ديه
************
جمالك مالكيتة بكل دول اسيا
ونيران حبك بالكلب اسيا
اذا خلصت رصيد بكارت اسيا
اتصل من زين لضمه عليه
************
جرحي مارضة يشفة هوادم
عشكتك جا خفيف ابشي هوادم
نبينة الاول انعرفة هوادم
كبل ادم احبة ايخون بية
********
عقلي ماصفن لحد صفن لك
عمري اوروحي وكليبي صفن لك
اخلاق اوطيب اوعفة صفن لك
وصف اخلاص حبك بس الية
**********
كتبت اسمك على ايدي ولاخاف
خلحبك يعذبني ولاخاف
لئن حبك سكن كلبي ولاخف
كام ايزيد حبك بس الية
**********
كلبي مافضى الغيرك وفض لك
وروحي مانست طبعك وفضلك
اميزك بين الف صاحب وفضلك
وتبقى انت الوفي وغالي عليه
************
اتمنى تعجبكم
