تواعد ويه الفرح ما شفه صار سنين***مامر عليه بحلم ولا شفته شوف العين**
*ناشدت وين الفرح كالولي متاسفين***ممنوع هسه الفرح عن العراقيين
ياغريب شلون عايش وهم الك بالغربة بيت ؟
. هم الك ام تنشف ماي عينك لو بجيت ؟
. ياغريب العراق روحك شلون عن اهلك مشيت ؟
. يا غريب الغربة تكتل من اسمه اني بجيت
لسة جنسيتك عراقي تريد اذكرك لو نسيت
بالغربه شِفتْ التَعب وإتعلّمت معناه وإتعلٌمت عالسهر .. والسكته.
. والصفناه ذليت ذلْ النهر من ينگطع مجراه وإعرفت كل شي إعرفت .
.. حتى النخل ينحني، لريح السفر من يجي و جايب غريب إوياه
جاي من العراق ........جاي من العراق واروح فدوه لكل ذره من تراب العراق ...
...جاي من العراق امحمل احزان جاي ودمعتي في طارف العين ..
.. مدري ابجي على بلدي وناسي مدري ابجي عليكم يل بعيدين مع تمنياتي بجمع الشمل لكافة العراقيين المغتربين في الخارج
