اجمل المسجات العراقيه

اجمل المسجات العراقية المنوعه من عراقنا

===

مااعوفك حبيبي وصعبه انه انساك
والك عمري وحياتي بلا ثمن اهدي
تبقى انت النبض اليدور بالشريان
مهمى سنين عمري تفوت وتعدي
صدكني من اشوفك انسى كل الناس
حتى اللون الاسود ينكلب وردي

===


بتقاليد الجفون ..النوم وصمة عار
حشا جفوني تنام بغير شوفتكم
المفارك حبيبه..بيا وسيلة ينام؟
اغمض عيوني...بس تفتحها سيرتكم
مو رجفة برد...لا بيه رجفة شوك
ابرد وانطفي...وتشعلني ريحتكم


===

الحزن كتله دقيقه أنطيني ارتاح
كال أتدلل أنته شعندي غيرك..


===


شنهو الغيرك وكلي شتريد
جرحك بالكلب تمثال سويتة
كلوب الناس تنبض والنبض دكات
واني كلبي يدك بهمومة خليتة

===


تكـلي ألنــاس ضــايج .. خيـرك شبيـك ..؟
وساكت ما أكللهم أو حجي عن همي .!
مايحتــاج أسـولف هـو شــي معروف
ويـن ألكـه ألفـرح وأنــــــــت مو يمي@@


===

هوينه وغير شخصك ماهوينه
وعليك العيـن تسئل ماهو وينه
أمد أيــدي على گلبي ماهو وينه
أذا عندك دخيلك رده إليــه..


===


اذا عل شوكـَ اني هوايه مشتاكـَ
واذا عل بُــعـــد صدكني ماطيقـه
اقســم بيـك مـا اتــمنه الفــــراكـَ
ولا ودي ابــتعـد عـنـــك دقـــيقــه


===


اريد انحت شكل للدمعه تمثال
لان بس هي وكفتلي بغيابك


===


تمنيتك لجن بُعد المسافات
حبست بالكَلب كل الاماني
يالمهاجر عُمر وسنينه لوعات
ولك شيصير لو اشوفك ثواني
اشتظن ابتسم وانت ابعيد هيهات
الضحك ودعني بعدك ما اجاني
ضل بس الجمر ودموعي جَويات
بعدك حيرة محتار ابزماني
اَضحك بالجذب لو شفت شمات
وكولن هسه يرجع ما نساني
بس المشكلة بعيوني دمعات
بس يحجون باسمك ابجي اني!
تعال اترك الغربة وبالكلب بات
ترى هجرك حبيبي عذباني



===


عساها دموع عينك تجري كل ساع
يل خليت دمعي يسابك السيل**
هنه عيوني فقره ويبجن بساع
وانته تروح عمدا بيهن تعيل**
ولك نص النهار وفضحن العين
كلي شلون بيه من يجي الليل


===

تحياتي